Gervigreind er til í ótal mörgum útgáfum og spannar mjög vítt svið.
Við þekkjum mörg til dæmis það sem kallað er Generative AI, gervigreind sem býr til texta, myndir eða tónlist. Þar er til dæmis notast við ChatGPT, sem flestir þekkja; spjallmenni sem fólk getur haft samskipti við en það svarar spurningum um allskonar hluti, býr til texta og myndirnar. Öll vitneskjan sem ChatGPT býr yfir er komin frá internetinu og hugsanlega einhverjum gögnum sem við hlöðum yfir í gervigreindar öpp. Gervigreindin virkar nefnilega ekki ein og sér, hún þarf gögn til að vinna með og læra á. Núna eru t.d. HP fartölvur komnar með sérstaka AI örgjörva og hugbúnað eins og HP AI Companion þar sem notandi getur hlaðið inn 2000 blaðsíðna pdf skjali og beðið um 300 orða samantekt úr skjalinu eða spurt um einhver einstök atriði úr efni skjalsins.
Viðkvæm gögn eiga síður heima í skýinu
Hvað með fyrirtæki sem vilja nýta sér gervigreind til þess að taka fyrstu ákvarðanir, spá fyrir og sjálfvirknivæða án þess að hlaða viðkvæmum gögnum yfir í skýið? Þar á meðal eru fjármálafyrirtæki, tryggingafélög , sjúkrahús eða orkufyrirtæki sem vilja nota gervigreindina með þessum hætti. Í mörgum tilvikum eru slíkar upplýsingar, sem gervigreindin á að nýta, trúnaðargögn sem ekki er viturlegt að senda frá sér. Segjum til dæmis að bankar vilji nota gervigreind til þess að sjálfvirknivæða einhver umsóknarferli eða tryggingarfélög að gera betri áhættumöt eða eitthvað slíkt. Þá þurfa fyrirtækin að koma sér upp tækjabúnaði til þess að keyra gervigreindar virkni innanhúss hjá sér. Forritarar nútímans og framtíðarinnar eru farnir að búa til lausnir til þess að leysa svona gervigreindar verkefni.
Andlitsgreina áratuga gömul myndskeið
Við getum líka tekið fjölmiðil eins og RÚV sem á væntanlega til ógrynni af einhverjum myndskeiðum sem er búið að taka í gegn um tíðina. Það væri alveg hugsanlegt að láta gervigreindarforrit skoða þessi myndskeið og beita einhverskonar andlitsgreiningu til að skrá í gagnagrunn hverjir koma fyrir í þessum myndskeiðum eða láta sjúkrahús skoða röntgenmyndir og aðstoða við greiningu á þeim. Þessi greining kæmi vitanlega ekki í staðinn fyrir auga læknisins en hægt væri að láta gervigreind læra á slíkar myndir og fá fyrstu stigs niðurstöðu.
Er svona lausn til?
Það vill svo til að við hjá OK höfum verið HP (Hewlett Pakcard) sölu og þjónustuaðili á Íslandi í 40 ár. HP og NVIDA eru í mjög öflugu samstarfi að framleiða og þróa netþjóna sem er búinn nauðsynlegu gervigreindarörgjörvum sem þarf til þess að leysa fyrrnefnd verkefni.
Þessi lausn kemur tilbúin frá HP í nokkrum stærðum, með GPU netþjónum, hraðvirkum gagnageymslum og netbúnaður til að tengja saman ásamt öflugri hugbúnaðarsvítu sem inniheldur margskonar verkfæri til þess að þróa áfram.
HÖFUNDUR: Björgvin Arnar Björgvinsson, forstöðumaður Innviðalausna OK.
